فنلنډ
فنلنډ د اروپا يو هيواد دي. چي د اروپا په شمالي برخه کې د روسیې او بالټیک ترمنځ د ختیځ طول البلد د ۱۰ تر ۳۲ او د شمالي عرض البلد د ۷۰ تر ۶۰ درجو په منځ کې پروت دی.
سيمه او هوا
سمول
د دغه هېواد مساحت ۳۳۸۱ کلیومتره مربع دی او د نړۍ پنځه شپېتم لوی هېواد دی، ۵۵ میلیونه نفوس لري او پلازمېنه یې هلسنګي نومېږي. د فنلنډ شمال ته ناروې هېواد، سوېل ته یې د فنلنډ خلیج، ختیځ ته یې روسیه، لوېدیځ ته یې سویډن او بالتیک سمندرګی پراته دي. دغه راز فنلنډ څلور بېل فصلونه (پسرلی، اوړی، منی او ژمی)لري، اوړی یې ډېر روڼ، ځلېدونکی او تود وي، په داسې حال کې چې ژمی یې سوړ او ډېر تیاره وي. په لایلنډ یا د فنلنډ په ډېره شمالي برخه کې ژمی لمر دوه میاشتې نه پورته کېږي او اوړی بیا دوه میاشتې هېڅ نه لوېږي. د فنلنډ اوړی تود او لنډ وي خو ژمی یې بیا اوږد او سوړ دي. د هوا سړښت یې د سانتي ګراد تر ۳۰ درجو پورې رسېږي. د سوېلي برخو هوا یې د ګلف ستریم د تودو اوبو د بهیر له امله ښه ده. په فنلنډ کې د هوا لندبل ډېر دی او ورښت په مني کې کېږي. سوېلي برخې یې درې میاشتې او شمالي یې نهه میاشتې په واورو پوښلې وي.