نهار خواړه
په سفر کې موږ باید خيال وساتو چې د ځينې خواړه په نهاره ونه خورو که چېرې موږ داسې وکړل نو سخت به ناروغه سو، نو د هغو خوړو چې په نهاره يي خوړل ښه نه دی په لاندې ډول دي.
نور
سمول
هغه خواړه چې په نهاره نباید وخوړل سی:
۱. کیله:
په نهاره د کیلې خوړل په وینه کې د مګنیزم کچه لوړوي، چې ممکن د زړه د فعالیت غیری عادي کړي.
۲. مرچ او مساله:
په نهاره یا خالي معده د مرچ و مسالې خوړل د هاضمې سیستم زیانمنوي.
۳. لیمو او نارنج:
په تشه معده د نارنج او لیمو جوس څښل معده تیزابي کوي. له دې سربیره د هاضمې سیستم هم خرابوي.
۴. شنې پاڼې:
د سبزې شنې پاڼې لکه کاهو، ملۍ، شوتل، دڼيا (ګشنیز) او ورته هر څه که په نهاره وخوړل سي، د هاضمې سیستم د خرابیدو باعث ګرځي. دا خواړه، چې تر ډیره ګټور بلل کیږي، خو په نهاره يې خوړل ګټور نه دي.
۵. مستې:
ماسته که څه هم یو له ډیرو ګټورو خوړو څخه دی، خو بیا هم په نهاره يې خوړل کومه ګټه نه لري.
ځکه چې په سهار کې د انسان وجود هایډروکلوریک اسید لري. که ماسته وخوري، ټولې روغتیايي بکتریاوي يې له مینځه ځي.
۶. خواږه:
په نهاره د خوږو شیانو خوړل د پانقرانس او څیګر ناروغۍ پیدا کوي. په یو دمې ډول په دې دوو اساسي عضو فشار راتلل، ددوې فعالیت کمزوری کوي.
۷. لیچي:
په خالې معده یا نهاره د لیچي خوړل آن انسان د مرګ له ګواښ سره مخ کولای سي. لیچي یو ډول تازه میوه ده، چې د روغتیا لپاره خورا ډيره ګټوره ده؛ خو په نهاره يې خوړل لوی زیان لري.
۸. کافي:
په نهاره د کافي څښل تاواني دي. په نهاره د کافي څښل د هاضمې سیستم ګډوډوي.
۹. مشروبات:
په نهاره د مشروباتو لکه کوک، پیپسي او نورو څښل، د معدې ګیس پیدا کوي او کله کله په وجود کې دردونه هم راپیدا کوي.
۱۰. الکول:
د الکولو څښل یو وخت هم ګټور نه دي. خو په نهاره څښل يې د وجود ټول سیستمونه زیانمنوي. د زړه او دماغو په فعالیت هم بد اغیز کوي.