قطب منار
قطب منار (Qutb Minar) په نړۍ کې دویم لوړ له خښتو جوړ سوی منار دی. دغه منار چې ۸۰ متره لوړ والی لري له مرمر ډبرو او سرو خښتو چې د ډبرې شکل لري جوړ سوی او د قران کریم ایاتونه پرې حکاکي سوي دي. ددغه منار د جوړولو چارې په ۱۱۹۳ کال کې پیل سوې دي او جوړېدو یې ۴ کاله وخت نیولی دی. د منار په منځ کې د پورته ختلو لپاره ۳۷۹ زینو ته ورته ځایونه سته چې دروازه یې د سیلانیانو پر مخ تړلې ده او څوک ورته د ورتلو اجازه نه لري.